2013年7月4日 星期四

Elyze 「冷凍溶脂」- 第一回



第一次做Elyze「冷凍溶脂」療程,換好衫之後,需要影療程前大腿照片,又再量度身體脂肪比例和呎吋做記錄之用。一切準備妥當前,治療師的助手幫我用手按鬆大腿脂肪,之後再去治療室接受第一次療程。


助手小姐知道我有寫blog習慣,而且我身邊有好多朋友等睇成果,所以助手小姐配合我影相要求,極之抵讚。


其實「冷凍溶脂」機頭就係咁,(如上圖)會好似吸塵機一樣,將肥肉吸入去,當然越吸得多,越吸得深,減既範圍亦越大啦。


呢一把尺就係模仿機頭範圍,助手小姐細心地喺我腳上畫出位置,再用吸頭搖鬆範圍內既脂肪。


喺畫好範圍貼上cool gel, 之後就上機頭啦~其實會好大力啜住左d肉,果下都感覺唔大,不過b吸力都幾強勁。


助手之後細心咁留個緊急制比我,有咩事可以即刻叫佢。


呢個就係啜住我d肉去冰鮮既情況。咁既pose要持續一個鐘頭,夠晒時間比我慢慢寫blog~


冰鮮完畢之後d肉係雪硬左既,果忽肉好似無左知覺咁。


上圖係拎走cool gel之後既冰鮮豬肉。
下圖係經過助手小姐按摩,卒散脂肪細胞後既肥肉。助手小姐話可能會有瘀血,起沙,酸痛等情況,最好期間穿著壓力絲襪或窄身褲。不過以即時效果來睇,我又無瘀,又無痛呢~


治療師解釋當然唔係一吸即瘦,而係要等兩三個月先睇到效果,由於要視乎新陳代謝點,先知一次療程帶走幾多脂肪酸,而且少左脂肪之後,皮膚依然鬆弛的話,仍然未必得到最佳效果。建議再配合RF機修緊改善線條,以達至更好效果。所以Elyze 先出以下package:


Plan A 及Plan B 只有分別兩次及四次「冷凍溶脂」,再配合AUF震解排脂,SmoothShapes緊緻曲線激光療程和RF射頻活化循環療程。


同我當初了解既建議『入門』療程係六次「冷凍溶脂」有出入,如果我無理解錯即plan A + plan B先係所謂 FULL SET 『入門』療程吧?!

咁樣一計,無論如何放低六萬幾先有用吧?!而且最後效果會點Elyze 唔會包~ 因為要視乎個人體質同飲食習慣,下次會做埋另一邊腳,同見營養師聽取意見。聽治療師口敏,如果想要餐單,應該要另外付款啦。

感覺上,我對Dermas 有信心好多,始終我知道金額幾多,只要比足$,就一定脫光。Elyze既問題係太多額外療程要加,而且無任何保證。身為女人真係超級麻煩唷~

沒有留言:

張貼留言